一石堂主手札

修習日本東密真言宗之後

喺過去幾年嘅時間，我運用自身嘅力量，每處理一單個案，每清理一件水晶，都損耗緊自己，要補充消耗，亦要花費不菲嘅時間與金錢。然而，開始修習日本東密真言宗之後，我唔再係以個人之力去處理，雖然仍需要以自身之力去接引天地嘅力量，但相比以前嘅損耗係減少甚多。更重要嘅係，隨住每一次嘅處理，我都會越來越熟悉當中過程嘅種種感受，會有更得心應手嘅感覺，效果亦越來越好。對我自己係有所提升，一啲以前累積嘅損耗亦開始復元。呢一點喺天珠嘅運用上顯得尤其明顯，客人喺我手上接走嘅天珠，為佢哋帶來比以前更顯著嘅天地之力。我所需要做的，係接通呢條「橋」，以及維持「橋」嘅狀態。水晶應用上亦有進步，晶石乃天地所造之物，佢本身就代表住天地能量精華嘅不同面貌。喺我MP店內嘅水晶，我差不多每日都有引動天地之力加持，絕非一般水晶商品。今年為客人擺嘅玄空飛星局，不足數月亦已經屢有好事與奇聞發生。經幾位前輩的教導，我先明白佛學與玄學並非完全相斥，而佢哋本身就係兩學皆精的高人。雖然我無塔羅牌相關嘅服務提供，但私底下我用塔羅做占卜有近20年經驗，2024年我學習咗一種易經類嘅占卜法，資歷極淺，但竟然比我用咗20年嘅塔羅更準確同實用，呢樣又係令我眼界大開。而家我先領略到，天地間嘅玄奧，只要得其一小撮，亦能喺人生裡妙用無窮。

如何「做自己」

對於「做自己」呢件事，我係鼓勵人做返自己的，因為做自己係你最為擅長嘅事，要有所成就亦會事半功倍。 但「做自己」嘅同時，唔好忽略咗呢個「自己」係隨歲月、經歷、學習、事件、領悟等等，每時每刻都可以唔同。 我發現好多追求「做自己」嘅人，會同時排斥咗「令自己進步」呢個意念，佢哋認為做自己，就等同於保持一成不變嘅自己。 呢種所謂嘅「做自己」根本只係沉迷於「做昨日嘅自己」，容許自己不改變，甚至係刻意唔畀自己改變。 的確，改變不一定帶來進步，但刻意不改變，就係放棄進步嘅機會。 容許自己進步，追求更好嘅自己，然後做返一個「比昨天進步嘅自己」，都係做緊自己。 唔好畀「做自己」變成拖累自己成長嘅口頭禪，你係可以做自己嘅同時，成為一個每日都更好嘅自己。

讓共感能力成為天賦而不是詛咒

共感與共情係一種天賦，亦係一份天生的詛咒，與生俱來令你見到常人所不能見的細節與情景，亦令你感受到絕大多數人所不理解的痛苦。 共感與共情，係一份能力亦係一份詛咒，因為出生嘅時候，上天並無連同一個「開關掣」安裝喺你身上，你無法決定幾時去運用呢份能力，甚至會失控地、無法自制地將能力提升到極限。 就算對方並無能力睇得出你嘅情況，都可以輕易將你榨乾，更何況呢個世界，係充滿住懷有惡意嘅人。你以為嘅犧牲與付出，只係壯大對方嘅一點養份。  為客人解決佢被情緒勒索，以及過度共感嘅問題之後，佢問我，點解我可以分析得咁精辟同透徹。除咗因為我嘅天賦能力，亦因為我自己都曾經度過一段被情緒勒索嘅日子。 有一段時間，我因為共感能力的失控，被情緒勒索而不自覺，犧牲自己幾乎一整段人生後，上天憐憫，我突然醒覺唔能夠再過咁嘅日子，亦為自己安裝上一個「開關掣」與「調整控制器」。 嗰段日子，帶來好多嘅傷痕，仍然深刻喺我嘅靈魂深處，但亦深化咗我嘅天賦。詛咒嘅部份，亦因為覺醒後嘅自修、學習，慢慢得以控制。 上天給予我天賦，給予我詛咒，但同樣給予我機會，上天並無放棄我。 如果無經過呢份洗禮，我大概亦唔會成為今日嘅MP店主、「一石堂」堂主。我希望幫助所有同樣擁有呢份天賦/詛咒嘅人，都能夠得到重生嘅機會。 如同上天無放棄我一樣，只要你願意成為更好嘅自己，我都唔會放棄你。

福氣與感恩，誰先誰後？

究竟是擁有「福氣」在先，還是學會「感恩」在先？ 根據我的觀察，如果一個人深信自己命中注定無福，並以此來合理化自己為何沒有感恩之心，為何自己是一個刻薄的人，長遠來說的確會與福氣無緣。 我亦見過，生活艱苦的人，仍然會留意發生在他們身上的值得感恩的事情，並且表達出感恩之意，最終大多數都會越來越有福氣，脫離困境。 擁有福氣，因而感恩，是非常容易的事。真正成為考驗的，是在福薄之時，仍能保持一顆感恩之心。我見證過許多能夠通過這重考驗的人，最終都能夠過上幸福的生活。   一石堂主2025年2月9日

修習日本東密真言宗的機緣

初九啟市後，呢幾日客人上來拜年，如果我睇到對方嘅「氣」有特別之處，會回禮贈言。好幾位有每年搵相熟師傅睇流年嘅，都話我同師傅所言一致。   東與西之異同 以前我主要係遍向以西方能量體系，加上應用心理學與行為科學，再輔以我嘅人生體會與顧問經驗，配合對方嘅現況與承受力及心靈狀態，去運算出適合對方嘅建言。 修習日本東密真言宗之後，漸漸係跨過咗以上嘅複雜計算，我可以觀察同感受到對象嘅「氣」，然後直接「知道」一啲事嘅走向。   初見真言宗 真言宗係我初次深入學習嘅佛教宗派，喺當中我發現好多與我過去所學包括：因果、能量、顯化、宇宙觀等見解，都相當吻合，有種互為一體，相輔相成，並且昇華咗嘅感覺。由最初的嘗試體驗，到後來慢慢感受到其精妙之處，我發現到越來越大嘅智慧與奧妙在其中。 大約一年幾前，其中一位真言宗前輩，佢係一位老中醫，知道我的職業，以及知道我的體質與幾年間所受到的職業傷害之後，教導我如何喺助人之路上走得更順。佢先係教我，以人嘅力量去幫助別人，可以，但力量有限，而且會耗損自己，咁樣唔長久。 呢個係佢行醫數十年嘅經驗。 之後，佢再教我其實可以借天地之力，以大宇宙(即大自然)嘅能量，以自身負責引動和調動，就能夠起到更大嘅作用，又減輕對自身嘅負擔，咁先可以順同長久。 呢個係佢修習真言宗嘅經驗。   成為求道者 一直以來，「密宗」對我來講係好神秘同遙不可及嘅一回事，但機緣就係咁奇妙，我由一位求醫者，變成一位求道者，亦令我喺事業上得到突破，助人助己。 感恩宇宙，安排我成為一個有緣人。   合掌南無大師遍照金剛 一石堂主2025年2月9日